Read More

Skin Care Tips in Hindi – Inn Tariko Se Paye Swasth Twacha

Saaf aur damakti twacha har kisi ki chahat hoti hai. Chahe fir wo stri ho ya purush. Kai logo ki twacha itni acchi hoti hai ki dekhne wale bhi hairan ho jate hai, unhe lagta hai ki jarur aesi twacha unhe virasat mai mili hogi. Par aesa bilkul bhi nahi hai har koi thodi dekhbal se swasth aur chamakdar twacha paa sakta hai. Lekin sirf bahari utpado ke istemal se aap swasth twacha nahi paa sakte. Iske liye aapko bhitar se swasth hona bhi jaruri hai. Shayad aapne suna hoga ki chehra hi aapke swasth ka aaina hai. Yane ki agar aap andar se swath honge, tabhi aapke chehre par chamak aayegi.

Ye sari bate sunkar aapko lagega, ki jarur hum aapko mehnge utpado ka istemal karne ka kahenge. Lekin nahi aesa bilkul bhi nahi hai. Hum aapko aasani se ghar par milne wali chizo ke bare me hi batayenge. Natural chizo ke istemal ka yeh fayda hota hai ki inme kisi tarah ke hanikarak chemicals nahi hote hai. Jisse ki side effect hone ka khatra nahi hota hai. To aaiye jante hai Skin Care Tips in Hindi.

Janiye Twacha Ke Dekhbal Ke Tarike

Apne Twacha Ke Anurup Kare Dekhbal

Kisi bhi twacha ke upchar se pehle uski prakrati ko jaana bahut jaruri hai.  Agar aapki twacha teliya hai aur aap uski dekhbal rukhi twacha walo ki tarah kar rahe hai to aapko kisi bhi tarah ka fayda nahi hoga. Haan lekin iske viprit aapko isse nuksan jarur ho sakta hai. Isliye yeh behad jaruri hai ki aap apne skin type ko pehchane. Agar hum aayurved ki mane to uske anusar tin tarah ki twacha hoti hai. Vat Twacha, Pitta Twacha aur rukhi twacha.

Agar aapke sharir mai vat yane ki vayu ki matra adhik hai to iske karan twacha rukhi ho jati hai, yaha tak ki dag-dhabbe bhi isi ke karan hote hai. Tanav lene se bhi sharir mai vat ki matra badhti hai, isliye jitna ho sakte tanav se dur rehne ki kosis kare.

Sukhe Meve(Dry Fruits) Ka Kare Sevan

Agar hame damakti twacha pana hai, to iske liye hame sehatmand hona bahut jaruri hai.  Aur sehatmand hum tabhi hote hai, jab hum poshtik aahar lete hai. Iske liye hame sukhe mevo ka sevan karna chahiye, Skin ko chamkdar banane ke alawa yeh hame kai tarah ki bimariyo se bhi dur rakhte hai. Yeh hamare sharir se vishakt padhart ko nikalne ki kosis karte hai. Khane mai mojud fat aapke sharir ko asantulit kar dete hai. Isse santulit karne mai dry fruits ka bahut yogdan hota hai. Isme healthy fat, fiber aur omega -3 hota hai. Jisse ki iske sevan se pachan kriya majbut hoti hai. To fir intejaar kis bat ka aaj se hi badam, kaju, kishmish ko apne aahar mai jarur shamil kare.

Khub Pani Pina Bhi Faydemand

Aapne hamesha suna hoga ki hamare sharir ka 70% hissa pani se bana hua hai. Yane ki hame hamesha hydrate rehne ki jarurat hai, Isliye hame apne sharir mai pani ki bilkul bhi kami nahi hone dena hai. Iske liya aap chay ka bhi sahara le sakte hai. Samanya chay ki tulna mai aap aushdhiya chay ka sevan karenge to aur bhi faydemand hoga. Dophar khane ke bad yadi aap nimbu(Lemon)aur adarak ki chay pite hai to khana bhi pachega aur twacha mai nikhar bhi aayega.

Hari Sabjiyo Ka Sevan

Agar aap masahari khana khate hai, to ise chod de. Yeh aapke liye thoda muskil hai, lekin dhire dhire karke aap shakahari ban sakte hai. Mashahari bhojan kai tarah ki samsaya ko janam de sakta hai. Isliye aapko sakahar apnana chahiye, Isliye aesi sabjiyo ka sebvan kijiye jsime pani ki adhik matra ho, ye aasani se pach jati hai.

Gajar, khira, papita aadi mai pani adhik matra mai hota hai. Iske sevan se sharir ke vishakt padhart nikal jate hai. Aur twacha mai nikhar aata hai.

Rojana Vyayam Kare

Nirogi aur swasth kaya ke liye vyayam behad jaruri hai. Agar aap niyamit rup se vyayam karte hai to badlte mousam ka bhi aapki twacha par koi asar nahi padega. Chikitsak bhi yahi mante hai ki vyayam karne se mashpesiya aur sharir ke jod majbut hote hai, sath hi pasine ke vishakt padhart bhi bahar nikal jate hai. Isse rakt sanchar hota hai, pachan kriya majbut hoti hai, aur sabse badi bat sharir swasth rehta hai. To apni pasand ka vyayam jaise jogging, yoga, dancing aadi kijiye, aur apni twacha ko nikhariye.

Acchi Nind Le

Agar hum acchi nind nahi lete to iska sabse jyada asar hamari twacha pe hota hai. Yaha tak ki kai shodho mai yeh bat sabit bhi ho chuki hai ki kam sone wale logo ki twacha samay se pehle budhi ho jati hai. Isliye twacha ko swasth rakhne aur nikharne ke liye bharpur nind behad jaruri hai. Doctors ke hisab se har vyakti ko kam se kam 7 se 9 ghante ki nind jarur lena chahiye.

Tel Se Kare Malish

Twacha ko nikharne ke liye oil massage ka sahara lijiye, ye aapki twacha ko nikharta hai use kanti may banata hai. Tel se massage karne se twacha ka rukha pan dur hota hai. Hafte me kam se kam 2 bar oil se massage karna chahiye. Pure sharir mai massage karne se rakt sanchar bhi acche se hota hai. Isliye twacha ko nikharne aur sharir ko swasth rakhne ke liye tel se malish bahut jaruri hai.

Read More

Eye Care Tips in Hindi – Kare Aankho ki Sahi Dekhbhal

Aankhe hamare sharir ka ek mahatvapurn anga hai jiske bina ham koi kaam nahi kar sakte. Aankho ke bina ham apne aaspas ki kisi chizo ka aanand nahi le sakte. Aankhe hai to jahan hai. Isliye hame apni aankho ki bhi dekhbal karne ki jarurat hai.

Compute, mobile, ipad, samrtphone jaisi chizo ka istemaal din pratidin badhta jaa raha hai. Jo hamari Aankho ko nuksaan pahuchata hai. Natijanat aankhe kamjor hoti hai. Kai logo ki aankho par to itna bura prabhav padhta hai ki bina chasme ke to unhe thik se dikhai bhi nahi deta. Vaise Aankho mai samasay hone ke aur bhi bahut se lakshan hote hai jaise, aankho mai bharipan mehus hona, aankho ka laal hona, pani aana, rango ka saaf na dikhna. Jisko hum kabhi bhi najranadaz kar dete hai.

Isliye jis tarah ham apne chehre ki dekhbal karte mai koi kasar nahi chodte. Usi tarah hamari aankho ko bhi dekhbal ki jarurat hai. To aaiye aaj iss article mai hum aapko batate hai, Eye Care Tips in Hindi. Jisse ki inn tariko ke dwara aap aasni se apni Aankho ki sahi dekhbhal kar sakte hai.

Eye Care: Aankho Ki Dekhbhal Ke Liye Apnaye Yeh Tarike

Poshtik Aahar Ka Sevan Kare

Aankho ki Dekhbhal ke liye sabse jaruri agar kuch hai to wo hai poshtik aahar ka sevan karna. Iske liye hame dher sari hari sabjiya khani chahiye. Ise khane se jald hi aapki aankho ki roshni bhi badhegi aur sath mai aapka chehra bhi khil uthega. Kyoki hari sabji khane se khoon badhta hai.

1. Roj subah khali pet 9-10 patte palak khaye, isse aapke aankho ki roshni badhegi aur khoon ki kami bhi dur hogi.
2. Gajar mai aawla,chukandar(Beetroot) milakar iska juice nikale aur roj 2 gilas piye. Fir dekhiye aapki aankho ki roshni hi nahi badhegi balki anya rog bhi dur ho jayenge.

Dhumrapan Chode

Dhumrapan karne se aapke aankho ki tantrika ko kshati pahuchti hai sath hi motiyabind hone ki aashanka bhi badh jati hai. Isliye apni aankho ki surakhsha ke liye aaj se hi dhumrapan karna chode.

Aankho Ka Vyayam Kare

Hum sabhi jante hai ki sharir ko fit rakhne ke liye vyayam kitna aavyashak hai aur iske liye hum kai cheeze jese- gym, jogging aur summing karte hai. Lekin kya aapko pata hai ki, sharir ke anye bhago ke vyayam ki tarah aap aankho ki exercise bhi kar sakte hai. Eye exercise, Aankho ko swasth  banaye rakhati hai aur inn par padne vale tanav ko kam karane mai bhi madad karti hai.

Karne Ki Vidhi:

1. Apne haatho ki beech ki teen ungaliyo ko upri palako par dheeme se rakhe. Unhe halke se rarkhkar 1 se 2 second rakh kar aankho ko band rakhe aur uske baad chhod de, iss parkriya ko 5 bar dohraiye.
2. Ek kursi par beth jaiye. Apne dono hatho ki hatheliyo ko ragd kar garam kar lijiye. Fir apni Aankho ko band karke yeh garm hatheliyo se halke se unhe cover kar lijiye. Bas dhyan rahe ki eyeball par pressure na pade. Aankho ko iss prakaar cover kare ki ungaliyo ya hatheliyo ke beech se un par roshani ki ek kiran bhi na pahuch paye. Iss douran aap dheeme se gahri saans le aur kisi acchi se ghatna ke baare mai ya future mai hone vali kisi acchi baat ke baare mai soche. Iske baad aap hatheliyo ko hatha le aur dheeme se aankho ko khol le. Iss prakriya ko din mai kam se kam 2 minutes ya usse jyada kare.
3. Apni aankho ko clockwise ghumaiye aur uske baad anticlockwise ghumaiye. Iss prakriya ko 5 baar dohraiye, har baar ise karne ke baad Aankho ki palako ko hila le.
4. Kisi dur rakhi cheez par 10 se 15 second ke liye nigaha tharaiye. Uske baad, apni Aankho ko dheere -dheere dusri jagah le jaye. Bas fir thodi der baad punha usi isthiti mai vapas aaye. Bas dhyan rahe ki iss douran aapka sar nahi ghumna chahiye. Iss parkriya ko 5 se 10 baar kare.
5. Eye Care Tips mai iss exercise ka naam sabse pahle aata hai. Aankho ko upar kare aur fir neeche kare. Aisa kam se kam 8 baar jarur kare aur fir iss prakriya ko daye se baye kare. Lekin dhyan rahe ki iss exercise ke douran aankh kisi aur disha mai nahi jaye varna aapki Aankho ki roshni aachi hone ki bajaye kharab ho jayegi.

Eye Massage Kare

Eye Massage bhi aapki aankho ke liye bahut jaruri hoti hai. Iske karne ke liye do toliye lijiye. Iske bad ek ko garam pani mai aur ek ko thande pani mai bhigo dijiye. Fir kisi ek towel ko lijiye aur chehre par halka sa dabav daalte huye ghumaiye, apne eyebrow aur Aankho ke aas-paas ke area mai aaram se isse ghumaiye.Iss douran apni  palko ko band kar lijiye taki aankho mai pani na jaye. Iss parakaar dono toliye se iss parakriya ko kijiye.

Palko Ki Massage

Apni Aankho ko banh kar le aur apni ungaliyo ko sir par halke–halke se golaiye mai ghumaiye, aisa 1 se 2 minutes tak kare. Bas dhyan rahe ki iss prakriya ko aap bahut dheemi gati se kijiye.

Anya Tarike Inhe Bhi Jane

1. Lgatar rozana do se teen ghante computer par work karne se vyakti mai computer vision syndrome ke lakshan dekhane ko mil sakte hai. Isliye computer par lagatar kaam karne se bache.
2. Jab bhi computer ke par bethe to har 20 minutes ke gap mai 20 second ke liye screen se najare hata dijiye aue 20 feet dur kisi fixed point par focus kare.
3. Jis kamare mai computer ho usme uchit prakash hona jaruri hai. Jyada tez roshni bhi nahi honi chahiye tatha prakash peeche se hone chahiye.
4. Eye movement aankho ko behtar karne mai laabhkari hai. Office ya ghar par monitor ko kuch iss tarah set kare ki aankhe monitor ke top level par ho.
5. Sharir ki tarah hamari aankho ko bhi sahi dekhbhal ki jarurat hoti hai. Yaha padhiye Eye Care Tips in Hindi jiski madad se aap swasth aankhe paa sakte hai.

Read More